Am Sonntig, 7. Dezember 2025, esch d Kunstschau 5430 Wettige eröffnet worde. Am 11i isch im Alterszentrum St.Bernhard, med em Apero und Aasproche dur de Philippe Rey, de Peter Wysss und de neue Leiteri vom GSH, de Catrina Sonderegger eröffnet worde.
Nebe de zahlriichi Kunstinteressierti und Kunstschaffendi wo am Sonntig vor Ort gsi send, esch au de neu gwählt Amme, Markus Haas, de neu Vizeamme de Christian Wassmer, aber au die bereits bestehnde Gmeinröt, Markus Maibach und Kirsten Ernst det gsi um Ihri ufwartig de Künstler, de Kunstwerk z mache.
Uf die 12i esch denn de «Zwoiti Akt» im GSH losgange. Be Lebchueche, Mandarindli und Glüehwy hed me die ander Hälfti vo de Kunstwerk chönne uf sich würkle loh. Klar heds au im GSH e churzi Aasproch und e warmi Begrüessig gä. De Aalass zeigt die grossi Ufmerksamkeit und wie veel gueti Kunst/Künstler/Künstlerinne be eus in Wettige en Bezug händ.
