A de Lägerestross wird aktuell s noie Chilegmeindhuus vo de Reformierte Chile Wettige-Noiehof baued. Am Sunntig, 9. November cha me de Rohbau bsichtige.
Im Juli het de Ushueb für de Noibau neben Pfarrhuus a de Lägerestrass aagfange, Mitti August isch de Keller und d Bodeplatte fertig gsi und in de letschte Woche sind d Holzbauer dra, du vorgfertigte Element zämmezfüege, so dass Ändi nächschti Woche, trochnigs Wetter vorusgstezt, de Rohbau set stah.
D Chilepfläg lad so oder so d Chilegmeindsmitglieder und d Bevölkerig zum Tag vo de offnihge Baustelle. Nach em Gottesdienscht, wo um 10i in de Chile stattfind, also öppe ab de 11i , cha me sich bis um 1 am Namittag im alte Chilegmeindhuus mit Suppe, Brot und Zopf verpfläge. Dezue werded Füehrige über d Baustelle aabote, wo in Gruppe erfolged. Abgseh vo guete Schueh sind kei bsunderi Schutzmassnahme notwendig, d Baustell isch aber für Rollator eund Rollstüehl ned geignet.
Für d Teilnahm isch en Aameldig erwünscht, aber ned zwingend erforderlich (sekretariat@ref-wett-nhf.ch, 056 437 30 30).