Sit de Gmeindrot mitteild het, dass es en Wältkonzern git, wo sich im Tägi wot aasidle, rätsled me ned numm z Wettige, welli Firma das chönnd si. S Regionaljournal Aargau/Soledurn nennt jetzt en Name.
De Ännetwettiger Stefan Ulrich brichted fürs Regionaljournal über d Firma, wo sin Hauptsitz ins Tägi chönnd verlege. Im Bitrag wird Hitachi Energy als Firma gnennt, au wenn das offiziell vo niemed bestätigt worde isch. Weder d Gmeind no Hitachi Energy het welle Stellig neh. Wil beidi au ned dementiert hend, dass es sich um di Firma chönnd handle, isch es em Regionaljournal en Biitrag mit Nennig vom Name wert gsi. Ob es sowit chunnd und ob d Nennig vom Name es Risiko für das Gschäft isch, wo zwüsche Gmeind, Kanton und Konzern verhandled wird, blibd abzwarte.