Wie d Kantonspolizei inere Mediemitteilig schriibd, het es im Aargau öppe 50 Meldige über Sturmschäde geh. Ein spektakuläreri, zum Glück ohni Verletzti, isch us oisere Nachbargmeind.
Von ere Scharte am Martinsberg z Ännetwettige isch churz vor de 5i am Namittag en öppe 2.5 Tonne schwere Stei abbroche. Er isch de Hang abbe und uf d Bruggerstross gheit. Trotz em dichte Fiirabigvercher isch zum Glück niemed z Schade cho. D Füürwehr het s Hindernis weggruumed und Fachlüt hend de Hang prüeft, ob es witeri Gfahre chonnd geh, wo sofort Massnahme erfordered. Das schint ned de Fall z si.