In der Nacht uf Fritig, 24. Oktober 2025 isch en Lastwage uf de A1 gege es Fahrzüüg vom Unterhaltsdienscht. Bim Ufprall isch zum Glück niemad verletzt worde, aber de Schaden isch massiv und het en lange Stau usglöst.
De Unfall isch hüt am Morge um Halbivieri uf de A1 bi Noiehof passiert. Wege Unterhaltsarbeite, wo extra in de Nacht duregfüehhrt worde sind, isch in Noiehof in Fahrtrichtig Züri ein Fahrstreife gesperrt gsi. De Unterhaltsdienst het us dem Grund e paar hundert Meter devor en Lastwagen platziert, a dem en sognannte Anpralldämpfer samt Signalisation und Warnblinker aagbracht gsi isch. En Lastwagechauffeur het das Fahrzüüg ned gseh und isch in voller Fahrt gehe s Unterhaltsfahrzüüg drufgfahre. Verletzt worde isch niemad. An beide Lastwäge isch Totalschade entstande. Nach erste Erkenntniss chönnd de 23-jährig Lastwagefahrer am Stüür iigschlofe gsi. D Kapo het d Ermittlige ufgnoh.
Für d Ufnahm vom Sachverhalt und di ufwendige Bergigs- und Ufruumarbeite het d Polizei zwöi vo de drü Fahrstreifen müesse sperre. Im Bruefsvercher het das zu lange Staus uf de A1 und au uf de gfüehrt. D Unfallstell isch um Halbiachti am Morge gruumd gsi.