De erschti Sturm vo dem Herbscht isch do. Hend ihr schöni Föteli für ois?
S Zentrum vom Sturmtief «Benjamin» (in Dütschland heissts Joshua) zieht aktuell vom Ärmelkanal Richtig Nordsee. Uf em Feldberg im Schwarzwald het es Sturmspitze bis 157 km/h und bi ois in de Schwiiz sind uf em Säntis und em Pilatus au fascht 150 km/h erreicht worde. Au wenn d Windgschwindigkeite bi ois lang ned das Usmass erreiched , flügd alles möglichi durch d Luft (s. Föteli) und de blaui Himmel, d Wolke und d Sonne sorged jetzt am Namittag für bsunders schöns Liecht. Mir sind uf de Suechi nach schöne Föteli, wo ihr gmachd hend und froied ois, wenn ihr si ois mailed: wettiger.nochrichte(at)gmail.com