Sit letschti Woche isch im ehemolige Fotigschäft am Ecke Seminar-/Lägerestross wider es Gschäft. S «Ambiente» vom Ahmad Dalil het züled, wenn au vorerscht numme zum Teil.
D Post planed mit de SBB und anderen e noii Überbauig im Bahnhofsquartier. Betroffe isch au s Huus a de Seminarstross 116, wo früehner de Jimy sini Zahnarztpraxis het gha. De Coiffeur «Ambiente» isch jetzt a am Zügle. Sit e paar Woche isch s noie Gschäft a de Seminarstross 91, wo früehner s Fotigschäft gsi isch, iigrichted worde. Letschti Woche het es uftah und de Ahmad Dalil erwarted dete sini Kundschaft. Sin Brüeder isch no bis öppe Ändi Johr am alte Standort, wird aber dann au mit an d Seminarstross 91 cho.