Aktuell het Wettige im ehemolige St. Bernhard Familie us em Asylberiich unterbrochd und erfüllt dodemit d Ufnahmepflicht. Um die Ufnahmepflicht au in Zuekunft z erfülle, bruuchds es Unterkunfts-Provisorium.
D Aazahl Asylsuechendi, wo e Gmeind muess ufneh, berechned sich nach de Iiwohnerzahl. Z Wettige sind es aktuell 224 Persone. En Grossteil vo dene, isch in de kantonale Asylunterkunft im ehemolige Alterszentrum St. Bernhard a de Rebbergstross unterbochd, wo vom kantonale Sozialdienscht betroid wird. Wil di Plätz im Juni 2026 wegfalled und witeri befristeti Mietverhältnis Endi Novbember 2026 wegfalled, het d Gmeind nach Alternativer gsuechd. De Wohnigsmärt z Wettige bieted aber kei Möglichkeit, zum für so viel Lüt Wohnruum aazmiete. D Unterbringig isch aber dringend nötig, we d Gmeind ned wot d Ersatzabgab zahle, wo 90.- Franke pro Person und Tag betraid.
Zum de Ersatzwohnruum z beschaffe planed d Gmeind es Unterkunfts-Provisorium mit Platz für 100 bis 120 Persone. Bi de Überprüefig vo verschidnige Möglichkeite het sich de südlich Teil vo de Zirkuswiese als beschti Möglichkeit für d Gmeind zeiged. Au do, wie scho im Fall vom St. Bernhard, wird de Kanton das Provisorium als Aalag für Familie betriibe. S Kreditbegehre wird em Iiwohnerrot am 13. November 2025 unterbreited.