Bi de Gmeindrotswahle vom 28. September 2025 het d Lilian Studer (EVP) numme 8 Stimme Vorsprung uf de Roland Brühlmann (Mitti) gha. D Mitti het us dem Grund e Nachzählig bin Kanton beaatraid. S Ergäbnis ligd jetzt vor.
Wege de chliine Differenz vo numme acht Stimme zwüsche de gwählte Lilian Studer und em ned gwählte Roland Brühlmann, het d Partei D Mitti e Nachzählig vo de Stimme verlangd. D Gmeindabteilig vom Kanton Aargau het die Nachzählig vorgnoh und s Ergäbnis korrigiert. Statt 2’782 Stimme für d Lilian Studer sind es noi 2’783, also eini meh. Bim Roland Brühlmann, wo bi de Uszählig i de Gmeind 2‘774 Stimme gha het, sind es mit 2’771 Stimmen drü weniger. De Vorsprung vo de Lilian Studer het sich dodemit uf 12 Stimme erhöht. De Fehler het aber kein Iifluss ufs Wahlergäbnis und d Gmeindabteilig het zudem festgstellt, das es bi de Durchfüehrig vo de Gmeindwahle ned zu Unregelmässigkeite cho isch.