Am Samstigabig isch en Iibruch ineme Eifamiliehuus verübt worde, schriibd d Kantonspolizei (Kapo) innere Mitteilig. Bi de Grossfahndig isch en Tatverdächtige aaghalte und vorläufig feschtgno worde.
Vorgeschter, 11. Oktober 2025, churz ab de Achti am Abig isch bi d Kapo d Meldig iigange, a de Schartefelsstross sig en Iibruch im Gang. Mehreri Patrouille vo Kapo, Regional- und Stadtpolizei sind umgehend ufbote worde, zum e Grossfahndig iizleite. Bim betroffene Huus a de Schartefelsstross het d Polizei en vollendete Iibruch feschtgstellt. D Täter sind durch e iigschlageni Fenschterschiibe ins Huus cho.
Bi de Fahndig isch au en Polizeihund zum Iisatz cho. E Stund nach em Iibruch het d Polizei in de Nöchi vom Schloss Schartefels en 35-jährige iranische Asylbewerber aaghalte. Er isch komplett verschwitzt und durchnässt gsi. Für witeri ermittlige isch er vorläufig feschtgnoh worde und d Staatsaawaltschaft het es entsprechends Strafverfahre eröffnet.