Nach de erfolgriiche erschte Saison started S Projekt MiniMove Wettige nach de Herbstferie in di zwoit Rundi. S Projekt bieted Vorschuelchind und ihrne erwachsene Bezugspersone ein frei zuegängliche Ruum, in dem gmeinsam vielfältigi Bewegigserfahrige gsammeld chönd werde.
In de chalte Johresziit wird d Sporthalle vo de Bezirksschuel zum Spielplatz für di Chliinschte. Jede Sunntig werded d Türe ab de Halbizehni am Morge göffned und es werded verschidnigi Bewegigsmöglichkeite aabote .
Es git au gratis es gsunds Znüni und s MiniMove-Café bieted de Erwachsene en Ustuuschplattform.
De ganz Vormittag chönnd sich d Chind mit ihre erwachsene Bezugspersone ustobe und Nois entdecke, bevor s MiniMove Platz mache für die ältere Chind. Am Namittag find nämli in der gliiche Halle jewils de OpenSunday statt, wo für Primarschuelchind isch. Au do stoht s Entdecke vo de Bewegigslandschafte und s Spiele mit Gliichaltrige im Vordergrund.
Di Teilnahm a beide Projekt ist gratis und es sind kein Voraameldige erforderlich: Eifach vorbicho und mitspiele!