S Ergebnis vo de Wahle zum Gmeindrot isch chnapp gsi. Numme 8 Stimme hend de Usschlag für d Lilian Studer geh. Das wot «D Mitti» überprüefe lah.
Wie mir erfahre hend, het «D Mitti» nach § 63 vom Gsetz über die politische Rächt bim Innedepartement (DVI) vom Kanton d Prüefig und d Nachzählig vo de Wahle zum Gmeindrot beaatraid. De Grund isch de chnapp Usgang vo de Gmeindrotswahle vom 28. September 2025. De eiged Kandidat, de Roland Brühlmann, het numme 8 Stimme weniger gha, wie d Lilian Studer (EVP).
Es bliibd abzwarte, wie s DVI wird entscheide. Nach oiserne Recherche werded Nachzählige selten aagordnet. Es bruuchd e Begründig und mit hend kein Hiwiis gfunde, dass es chnapps Ergäbnis alleige als Begründig langed, bsunders wenn s Wahlbüro mehrmols zähld het. Das isch zwiifellos eso, het doch d Gmeind s Ergäbnis dütlich nach dem vo de Iiwohnerrotswahle veröffentlicht, wo en ungliich grössere Ufwand mit sich bringed.