Im «Chloschterjohr 2027» feiert de Kanton Aargau zwöi Chloschtergründige: S Chloschter Muri isch vor 1000 Johr und S Chloschter Wettige vor 800 Johr gründ worde. Das wird gfiired.
Dur d’Gnehmigung vom Kreditbegehre dur de Iiwohnerrot am 4. September 2025 het Gmeindrot de Uuftrag becho, d Organisation, d Koordination und d Unterstützig vo allne Projekt im Zämmehang mit em Chloschterjohr 2027 z überneh. Dafür wird es Organisationskomitee gründ, wo de Philippe Rey und de Ivano Bonadei präsidiere. Im Komitee sind verschideni Persönlichkeite us de Beriich Chile, Bildig, Verein, Chloschterspiel, Museum Aargau, Kanti, Fründe vom Chloster usw.
Mit em Chloschterjohr setzt sich d Gmeind zäme mit allne Beteiligte zum Ziel, d Gschicht vom Chloschter z vermittle, en Bezug zur Gegewart z’schaffe, d Lüt z iizbeziehe, d Bekanntheit vom Chloschter z stärche und d Organisatione und Institutione am Standort Wettige iizbeziehe und z vernetze. Vor allem selled Projekt, Veraastaltige und Aktivitäte übers ganze Jahr koordinird und wo nötig unterstützt werde. S Organisationskomitee wird selber ned als Verastalter aktiv sii, aber alli bewilligti Projekt werded mit allne verfüegbare Mittel koordinierd, kommunizierd und unterstützt.
Wettiger Verein und Organisatione, wo e konkrets Projekt im Zämmehang mit em Chlosterjahr umsetze wend, selled sich melde: E finanzielli Unterstützig isch nach em Iireiche vo detaillierte Projektidee möglich.
D Gschicht vom Chloschter Wettige wird vo Historikerinne und Historiker neu ufgschaffed. Es Buech zu dem wichtige Wahrzeiche vo Wettige erschint Ändi 2026. Di noiste Erkenntniss werded laufend uf www.klostergeschichte-wettingen.ch publiziert.