S Sännebergzimmer isch es Zimmer gsi, wo mol im Erholigs-Huus vom Chloster Wettige z Killwange gstande isch. De Hubi Spörri hets jetzt nachebaut.
Z Killwange hets zu Chlosterziite es Erholigs-Huus für d Mönch geh, zum chli Schnufe und sich Erhole. Hüt isch s Sännebergzimmer es wichtig’s Zit-Dokumänt vom Chloster Wettige und zeigt eus, wie d Mönch früener gläbt händ. So chönd mir d Kultur vo de Region au hüt no verstah und wertschätze.
De Hubi Spörri het das Zimmer wider hergstellt. Sit de Schuelzit händ Zeichne und Werche zu sine Lieblingsfächer ghört. Au als Lehrer sind ihm die Fächer immer sehr am Härze gläge, und näbed em Komponiere, Dirigiere und Büecher schriibe hät de Hubi immer wider zeichnet und gmolet.
Wo-n er de Chilechor Killwange dirigiert hät, isch er uufmerksam gmacht worde uf die kunschtvolle Molereie im Sännebergzimmer oberhalb Killwange.
Vieli Jahr spöter hät er de Entschluss gfasst, das Zimmer, wo hüt nümme exischtiert gha het, nach alte Fotografie z’mole und z’rekonschtruiere.
Im ene alte Stall in Oberrohrdorf, ganz i de Nöchi vom Sänneberg, hät er aagfange, das Zimmer noozboue, und s’Ergäbnis chönd Si im nächschte Früelig, am Sunntig, 26. April 2026 bewundere. De Regierigsrot Markus Dieth wird d’Fäschtaasproch halte. Merked oich das Datum scho hüt vor!