Aneme Kandelaber bi de City-Garage hanged es Plakat, wo angeblich vo de SVP chunnd. Abbild isch de US-Schauspieler Bryan Cranston, de Name uf em Plakat isch aber Walter Wyss.
Für Fans vo de Serie «Breaking Bad» erschlisst sich schnell, das das Plakat mit em Walter Wyss voll vo Aaspilige uf di Serie isch. «Kristallklari Zuekunft» heissts da au no, was en Aaspilig uf das reine Methamphetamin isch, wo numme de Walter White so perfekt cha herstelle.
Wil s Plakat behauptet, de Walter Wyss würd am dem 11. September (9/11!!) Bundesrat welle werde. Und d SVP wird als Liste 1 bezeichned, was si z Wettige ned isch.
Wer das Plakat ufghängt het und was de Sinn genau isch, blibt vorerst spekulativ. Au obs di einzige stetige Plakat sind und ob si numme z Wettige hanged, chönnd mir aktuell ned säge.