Am Samschtig, 20. September 2025 isch es so wit: Es isch genau 10 Johr her, sit mir – de Fabian Schmid und de Lutz Fischer – d Wettiger Nochrichte übernoh hend.
Wer d Wettiger Nochrichte ursprünglich gründ het, isch ned bekannt, aber am 20. September 2015 hend mir si offiziell übernoh und hend sither viel erläbt. Zum 1. Jänner 2018 sind mir vo wettiger-nochrichte.net uf wettiger-nochrichte.ch zügled, mir sind vom Regionaljournal Aargau/Solothurn interviewt worde, hend en Satirekanal gründ und de Name «Ännetwettige» für oisi Nachbarstadt etabliert.
Mit hend meh wie 300 Videos veröffentlicht, wobi s Interview mit em Luca Hänni mit über 10’000 Klicks mit Abstand di meischte gha het, gfolged vo de Zirkuswoche im Schuelchreis Alteburg mit über 7‘500. Artikel hend mir meh wie 2’500 veröffentlicht, wo bisher fascht 650’000 Klicks brochd hend.
Damit ihr mit ois das Jubiläum chönnd fiire, teiled mir in de nächschte Mönet ab und zue en alte Biitrag uf Facebook.