Hüt und morn cha me im Pfarrhuusgarte St. Sebastian Wettiger Wy degustiere. D Winzer werded, anderscht wie bim Räbhüslisunntig au Ziit für Gschpröch ha.
Wettige bechunnd es nois Fäscht, S Winzerfäscht. Hüt, Fritig, 29. August und morn, Samschtig, 30. Auguscht cha me jewils von 5i am Namittag bis um 10i am Abe Wettiger Wy degustiere. Mit debi sind Steimer Wybau, Benz-Wy, Wettiger Grafeguet, Chlosterwy Wettige, WyStern und Heil-sam und au d Gmeind Wettige, wo ja eigedi Rebe het.
Nebem Wy gits aber au Verpflägigsständ mit Raclette, Fleischplättli, Grillade, Chueche und Kafi. Au zwöi Gigerinne werded de Aalass mit Musik begleite, vo Klassik bis Rock.