Immer wieder chömed bi ois i de Redaktion aafrooge ine, öb mer nöd au Läserbrief abdrucke chönnted. Mir freued ois über jede Brief, veröffentliche si aber ned.
Mir finded es super, wenn ihr ois Läserbrief schicked. Jede wo ine chunt, zeigd ois, dass Ihr ois läsed und eu mit oisne Theme usenandsetzed. Das isch für ois s’grösste Komplimänt.
Gliichwohl hend mir ois scho vo Aafang aa entschiede, grundsätzlich kei Läserbrief z veröffentliche. Das het vor allem mit em Ufbau und de Optik vo oisere Site z due. Jede Brief würd wie en redaktionelle Biitrag usgseh.
Dezue chömmed alli möglichi andere Aspekt: rechtlichi (Verantwortig für de Inhalt), Ufwand (mir sind numme z zwöit) und d Unabhängigkeit.
Herzliche Dank für eues Verständnis und eui Treui!