D Energie Wettige AG senkt ab em 1. Januar 2026 d Stromtariif i de Grundversorgig um durchnittlich 21 Prozent. Für en Vierpersone-Huushalt mit emene Verbruuch vo 4’500 Kilowattstunde entspricht das enere jährliche Ersparnis vo öppe 321 Franke.
D Schock isch gross gsi, wo nach em Usbruch vom Ukrainechrieg d Strompriiise z Wettige in unvorstellbari Höchene gestigr sind. Jetzt gits e dütlichi Korrektur nach unte, im Schnitt um 21%. Gliichziitig wird de bisherig Hoch- und Nidertarif dur en Einheitspriis ersetzt, womit die unterschiedliche Tarifziite wegfalled. D Stromtariif setzed sich nöi us de Komponente Energie, Netznutzig, Messtarif und Abgabe zäme.
De Hauptgrund für d Priissenkig isch e Reduktion vo de Energielieferigschöschte um 43.1 %, was uf e positivi Entwicklig a de Strommärt zruggzfüehre isch. Dem gegenüber staht e Erhöchig vo de Netznutzig inklusive Messtarif um durchnittlich 5.3 %. Als Gründ defür wärded Investitione in Uusbau vo Smart-Meter und d Erhöchig vo de Stromreserve vom Bund gnennt. Ab 2026 werded d Chöschte für d Netznutzig und de Messtarif als separati Pöschte uf de Stromrechnig uusgwise.
Detailierti Priisblätter findet Ihr unter folgedem Link: http://www.energiewettingen.ch/strompreis