Sit Anfangs Johr werd de HertereHof nüm vo de Gertrud und em Gabriel Sieber gfüehrt. Sit det werd de Hof vo de Michelle Gusset, em Michael Zvizdic und em Sven Wilms als «Landwirschaft Herterehof GmbH» gfüehrt. Glichziitig esch de Herterhof au d Heimat vo Basimilch.
D’Gnosseschaft Basimilch isch di kooperativi Chäserei im Ruum Limmattal. D’Biomilch vo de behornte Chüeh wird i de Chäserei uf em Herterehof z’Wettinge zu vielfältige, fiine, naturbelassne Milchprodukt (verschiedeni Chäs, Joghurt, Quark, Rohmilch, etc.) verarbeitet. Im Jahres-Abo chömed d’Gnosseschafter vo de Region wöchentlich zu ihrem Gnuss. Es isch ihne es Aaliegä, dass ihri Produkt fair produziert und lokal konsumiert werded.
Am 13. September, ab em Zwöi am Namittag cha mer jetzt de Hof bem Hertere-Hof Fäscht au nöcher kennelerne.
Unter folgender Huus-Sitte findet Ihr alli Details zo dem Fäscht. https://basimil.ch/herterenhoffest/