Am 1. August isch wider d Bundesfiir

De Gmeindrot laded d Bevölkerig vo Wettige herzlich ii zur Bundsfiir uf em Rathuus-Platz. Au i dem Johr wird s beliebte Risotto, wo vo de Wettiger Chuchimanne zubereited wird, geh.
Starte dued d Bundesfiir ab de Halbielfi am Vormittag ! Um Elfi spielt s Blasorchester Bade-Wettige und wird dur d Tambourevereinigung Wettige und Umgäbig unterstützt. De Festakt startet am Halbieis am Mittag.
D Festasproch halted, wi in jedem Johr, de aargauischi Grossratspräsident. Das isch aktuell de Markus Gabriel vo de SVP. Im Aaschluss spielt den d Musik no witteri Stück. Au eusi Nationalhymne, de Schwizerpsalm, dörf natürlich ned fehle am 1.August. Am Drü esch denn s offizielle Endi vo de Bundesfiir z Wettige.