Dur en anonyme Hiwiis us de Bevölkerig wo bem Mooshof igange esch, händ sech de Pius und Walti Benz uf de Weg gmacht rechtig ihrem Feld im Eigi usse. Sie händ ned schlechd glueged wos det aacho send.
Im Feld vom Mooshof esch i de letschte Nacht dur Unbekannti en Chornchreis, med ca. 20 Meter im Durchmesser, gleit worde. En Tag devor esch det no nüt Söttigs z gseh gsi.
Uf Froge ob ihm oder de Familie öppis ufgfalle sig i de Nacht, verneint de Walti Benz …
Chornchreis sind Bereich ime Getreidefeld, i dene Chornhalme inere Regelmässigkeit umknickt, umeboge oder abgmäht worde sind.
Offesichtlich esch das Zeiche, de Chornchreis, usere Abmachig benere GV entstande, in Absproch med em Feldbsetzer.
