En Fahrzüügbrand bi Noiehof het geschter zu lange Staus gfüehrt. Uf de Landstross hend d Auto no bis spot am Abe meh gstande wie gfahre.
Es brennends Auto unter de Überdachig vo de Autobahn bi Noiehof het am Fritig , 20. Juni 2025 am Abe witreichendi Folge gha. Zum einde hend au anderi Fahzüüg aafange brönne, so dass zum Schluss föif Auto vom Füür betroffe gsi sind. Zum andere het de Brand und d Löscharbeite e Vollsperrig vo de A1 nötig gmachd. Erscht gege di Nüni am Abe het d Autobahn Richtig Bärn und e öppe e halbi Stund spöter Richtig Züri wider chönne uftah werde. Da hend sich d Auto längscht Dur Wettige gstaut und es het viel Geduld und gueti Nerve bi de Automobilischte bruuchd. Au am spote Abe het es lut TCS no en Ziitverlust vo 30 Minute geh.