Hüt het nebem Tägi z Wettige s Jublasurium aagfange. Nebem Lamdamme isch au en Bundesrat uf Bsuech gsi.
10‘000 Jubla-Chind und -Leiter us de ganze Schwiiz sind vom Samschtig, 7. bis Mentig, 9. Juni 2025 zum Pfingslager uf Wettige cho. S OK, wo us 110 Lüt bestoht und das Lager vier Johr vorbereited het, het viel Politprominenz zuere Füehrig übers Gländ iiglade. So sind de Bundesrat Martin Pfister, de Landamme Dieter Egli, de Regierigsrot Markus Dieth, Ständerötin Marianne Binder und Nationalrötin Simona Brizzi do gsi, aber au diversi Grossröt, aber au Wettiger Politprominenz wie de Gmeindamme Roland Kuster, d Gmeindröt Markus Haas und Sandro Sozzi, de Iiwohnerrotspräsident Christian Oberholzer und witeri Iiwohnerröt. Vili vo de Aawesende hend selber e Lagervergangeheit, wie me het chönne verneh.
En witere Bricht zum Jublasurium wird folge…