De Gmeindrot het de Ivano Bonadei zum Abteiligsleiter «Gsellschaft, Kultur und Sport» gewählt. Mit de Abteilungsleitig verbunde isch au d Ufgab vom Sportkoordinator.
De Ivano Bonadei, wo jetzt vom Gmeindrot zum Abteiligsleiter gwählt wprde isch, isch in de Region ufgwachse und läbt z Wettige. Er het Gschicht, italienischi Linguistik und Politologie and e Uni Züri gstudiert. Zur Ziit schaffed er no als Bezirksschuellehrer. Vorussichtlich wird er sini Stell bi de Gmeind im Herbscht aaträte.
Nebe de Usgab las Abteiligsleiter wird er sich als Sportkoordinator intensiv um d Bedürfnis vom Wettiger Sport kümmere. Wil der Beriich in de letschte Johr e chli z churz cho isch, froit sich de Gmeindrot bsunders, dass im Sportberiich e Intensivierig und e Professionalisierig cha stattfinde.
D Stell het dur interni Stelleverschiebige im Zug vo de Reorganisation vo de Verwaltig chönne gschaffe werde. Au zu de Abteilig ghöred d Fachstell gsellschaft, d Bibliothek, s Kultursekretariat und d Galerie
«Gluri Suter Huus».