Am Samschtig, 24. Mai 2025, isch’s sowiit: D «Regionale 2025» zeiged mit em «Tag vo de Limmat», was im Rahme vom Projäkt im Limmattal entstande isch. Zäme mit de Lüt usem Limmattal wird de Tag gfiert – mit Musig, öppis zum Ässe und em «Rote Pfiil», em Nostalgiezug zwüsche Bade und Züri.
D Lüt gönd Sache gern uf de Grund. Si wend wüsse, wie öppis entstande isch. We mer id Vergangeheit luegd, wird vil dütlich – au bi ois im Limmattal. Di erscht Iisebahn vo de Schwiiz isch dur s Limmattal gfahre, scho im Johr 1847. So sind z. B. d «Spanischbrötli» schneller vo Bade uf Züri cho, was de Bahn au de volkstümlich Name geh het. Für de Bau hets Innovationsgeischt, de Wille zum Umsetze und zum Zämeschaffe bruuchd.
Genau die Eigeschafte het’s Limmattal au hüt no, das zeiged d «Regionale 2025». Bi de Projektschau zwüsche Mai und Oktober 2025 werded öppe 30 Projäkt präsentierd. De Start isch am 24. Mai 2025, am «Tag vo de Limmat», vom 9i am Morge bis um Föifi am Namittag und das an verschiednige Ort im ganze Limmattal. S Programm find sich do: https://regionale2025.ch/veranstaltung/tag-der-limmat/