Jewiils am letschte Fritig im April fiiret d Schwiiz ihres Bier, die jahrtuusigalti Tradition vom Bierbraue, d Bierveelfalt und de offiziell Start id Biersaison!
I denm Johr wartet d Brauereie rund um de 25. April med verschedene Aktivitäte und Attraktione für d Bevölkerig uf. De Tag vom Schwiizer-Bier bietet e hervorragendi Glegeheit, die riichi Braukultur vo de Schwiiz und veelfalt vo de Bier z erkunde.
Am Vorobig, am Donschtig de 24. April, wird a de Solthurner Biertäg de Bierorde «ad gloriam cerevisiae» ehrehalber enere Persönlichkeit verliehe, wo sech ums Bier verdient gmacht hed.
Am 25. April isch au die offiziell Eröffnig vom Biergarte be de Lägerebräu.
Uf de Huus-Sitte vom Müllers Biergarte, esch leiders ned usezfinde gsi, wenn de Biergarte z Ännetwettige weder öffnet, wege de Bauarbeite uf em Areal von de Müllerbräu… s Badener Falkebräu betriebt keis eignigs Lokal… s Erusbacher Bier us Villmerge, fiired am 25. April ihri Brau-Party ab 16Uhr.. S Biersyndikat z Dietike, verwiist nur uf ihre «TapRoom» … de Rütihöfler-Biergarte startet am 28. Juni med em Brau- und Rebfest 2025..
Meh Informatinoe rund ums Schwiizer-Bier findet Ihr do:
https://bier.swiss/verband/tag-des-schweizer-bieres/
Meh Info’s rund um d Veranstaltige be de Lägerebräu ged’s do: https://laegerebraeu.ch/pages/eventkalender
und no de Link zum Erusbacher in Villmerge: https://erusbacher-paul.ch/aktuell