Sit em 17. März 2025, nachdem s Bewilligungsverfahre abgschlosse worde esch, händ Renaturierigsarbeite bem Lugibach aagfange. Jetzt hend si überraschend müesse gstoppt werde.
Bevor d Bruetsaison vo de Vögel losgohd, sind bim Lugibach d Strücher und Bäum umtah worde. Au werdet scho Erdarbeite am Bachlauf gmacht. Jetzt send aber be dene Arbeite ganz anderi Sache zom Vorschiin cho, wie mer us zueverlässige Quelle erfahre händ. Im Bereich zwüsche Tägerhardstross und Landstross send Überreste vonere alte, uralte Wasserleitig usgrabe worde. Ob die Baute sogar bis zo de Habsburger oder no witer zrugg reiched, wird aktuell dur de kantonsarchäologische Dienst abklärt. De Fundort esch gsicherte worde und so ned zuegänglich für d Bevölkerig. Uf em Bild esch guet es Zueflussrohr z erkenne, wo womöglich vonere früehe Sidlig her cho esch. D Bauarbeite send aktuell gstoppt. Ob d Hauptarbeite i de zwoite Jahreshälfti denn chönd starte, stood no i de Sterne.
Aktuelli Info’s zo dem Projekt findet Ihr uf dere Huus-Sitte: https://www.wettingen.ch/aktuellesinformationen/2385430