Wegem Ustritt vo Ammoniak a de Pfisterstrass z Ännetwettige isch d Füürwehr usgrückt. E Warnig gits au uf de App «Alertswiss».
Ammoniak het en stechende Gruch, wie Urin, isch farblos, cha zu tränende Auge führe, bin Iiatme d Atemwäg reize und erstickend wirke. Wie s Badener Tagblatt schriibd, isch s Gas bi Instandhaltigsarbeite in de Energiezentrale Terrassebad vo de Regionalwerke AG Bade am Mentigmorge gege di Halbinüni usträte. E Gfahr für Mönsche und Umwält hets zu keim Ziitpunkt geh. Wil Gruchsemmissione entstande sind, wird aber empfohle, d Türe und d Faischt z schlüsse. Lut Alerswiss het d Empfehlig für d Gmeinde Wettige und Ännetwettige golte, faktisch ischs aber um d Umgebig vo de Ännetwettiger Badi gange.