Sit aafangs Legislatur im 2022 sind «Die Mitte» und d EVP innere gmeinsame Fraktion. Knapp 6 Mönet vor de Wahle het «Die Mitte» d Zammenarbet per sofort ufkünd.
Wil s Forum 5430 bi de letschte Iiwohnerrotswahl ned aaträte isch, erfüllt d EVP mit drü Iiwohnerröt d Vorussetzig zur Bildig von ere Fraktion ned. Si het zum Start vo de laufende Legislatur Unterschlupf bi de Mitti gfunde. Wie «Die Mitte» in ere Mediemitteilig schriibd, het si di Zammenarbet beended.
Gründ siged di unterschiedlichi politischi Usrichtig und di aastehende Gmeindwahle. Letschteres sig au de Grund, d Uflösig vo de Fraktionsgmeinschaft per sofort z vollziehe und ned bis zum Ende vo de Legislatur z warte. Ineme Wahljahr sigs schwierig, de Wählerinne und Wähler di verschidnige Stossrichtige und Aasichte z vermittle, schriibd «Die Mitte» witer. Im Witere bedankd si sich für d Zammenarbet und blickt auf e spannendi und interessanti Ziit als Fraktionsgmeinschaft zruck.