D Gmeindrotswahle im Herbst verspreched vil Spannig. Mit em Philippe Rey wirft en dritte Kandidat fürs Amt vom Vizeamme sin Huet in de Ring.
Nach de Lilian Studer (47, EVP) und em Christian Wassmer (59, Die Mitte) het jetzt au de Philippe Rey (67, parteilos) sini Kandidatur für de Gmeinderot und als Vizeamme bekannt geh. Das isch für ihn en ungwöhnlich früeh Schritt. De Philippe Rey isch sit em 2014 Gmeindrot und het sini Kandidature schuscht meischt erscht im August mit em Stichtag vo de Iireichig vo Kandidature bekannt geh.
D Stmmbevölkerig het dodemit, wie bi de Ammewahle, au bim Vizeamme d Uswahl zwüsche mindescht drü Persone.