Geschter, Mentig, 13. Januar 2025 het de Gmeindrot de Medie s Budget präsentiert, wo es im Iiwohnerrot will vorlege. Überraschige gits dodebi keini.
Nachdem d Stimmbürger s Budget 2025 abglehnt hend, isch Wettige zum dritte Mol in föif Johr ohne Budget ins noie Johr gstarted. De Gmeindrot muess jetzt em Iiwohnerrot es nois Budget vorlege, wo danach no einisch vors Volk chunnd. Erscht wenn Budget und Stüürfuess bschlosse sind, cha d Gmeind wider ungebundeni Usgabe tätige.
Spannig isch keini Ufcho, wie de Gmeindrot bim Budget würd aapasse. Wil d Stüürfuesserhöchig an d Vorfinanzierig vom Oberstuefezentrum bunde gsi isch und s Budget schuscht usgliche gsi isch, legt de Gmeindrot em Iiwohnerrot s Budget numme mit dere eine Änderig vor: Uf d Vorfinanzierig wird verzichtet und de Stüürfuess blibt bi 95 %.