D Ufregig esch bi manche Lüt gross gsi, wo d Gmeind im Herbst 2020 beschlosse hed, di öffentlich Belüchtig uf em Gmeindsgebiet vom Sunntig bis Donnschtig, vom Eis bis um Föifi vollständig abzschalte.
In de Gmeind sind brönned sit e paar Johr numme no in de Nächt vo Fritig uf Samschtig und am Samschtig uf Sunntig di ganz Nacht. Schuscht sind d Kandelaber vom Eis bis um Föifi abgschate, zum Liechtverschmutzig z vermiide. Wege ere Gsetzesänderig uf kantonaler Ebeni muess d Belüchtig uf de Kantonsstrosse wider iigschalte bliibe. Das betrifft d Landstross (K275), d Schwimmbadstross mit eme Teil vo de Seminarstross (K273) und d Alberich-Zwyssigstross (K425). S Gsetz said, dass d Strassebelüchtig in de Nöchi vo Fuessgängerstreife nöd ganz dörf abgstellt werde, uf de andere Siite muess d Belüchtig energieeffiziint si, em Stand vo de Technik entspräche und set chönne dimmt werde. De Kanton beteiliged sich an de Choschte vo de Umstellig uf d LED-Technologie, so dass es gliichwohl en positive Effekt uf d Liechtverschmutzig wird geh.