Am Woche-End vom 23./24. November 2024 esch die grossi Multi-Mega-Show vom Dameturnverein Wettige i de Drüfachturnhalle im Tägi über d Bühni gange. D Show hed de Name 365 Täg, 1 Show gha.
S Moto 365 Tag, 1 Show het sich in de 12(+2) Programmpünkt für di 12 Monet vom Johr zeiged. Nebem DTV mit Gymnastik-Gruppene, Aerobic-Team, Chenderturne, Familiegruppe und Meitliriegene send au d Männerriege und de STV Neuehof debii gsi.
Im Rahmeprogramm heds vor, id e Pause und nach de Vorstellig diversi Essens-Ständ mit Grill und z.B. en Vegi-Rüebli-Hotdog, Getränk und en Barbetrieb geh. Dur die veele Sponsore und Gönner heds au für e Tombola a beidne Vorstelligstäg greicht. Die rund 2mal 700 Bsuecherinne, Bsuecher, Familiene, Chend und Fründe händ e grossartige und veelsittige Show chönne gnüsse. Meh dörf säge: es esch en volle Erfolg gsi.
Einige Impressione chönd Ihr im folgende Album finde: https://myalbum.com/album/D53fGHiHLRCsmK/