Scho sit em 2016 laad de Pfarrer Lutz Fischer regelmässig Gaschtprediger ii, wo in de reformierte Chile aneme Sunntig predige. Am Sunntig chunnd de Ludwig Hasler.
De Ludwig Hasler het Physik und Philosophie gstudiert, het als Philosoph an de Universitäte vo Bärn und Züri glehrt und isch Mitglied vo de Chefredaktion zerscht vom «St. Galler Tagblatt» und spöter bi de «Weltwoche» gsi. Sit em 2001 schaffed er als freie Publizist, Vortragstourist, Hochschueldozent und Kolumnist. Vilne Leser vo de druckte Usgab vom Badener Tagblatt isch er als Kolumnist bekannt, so het me letschte Mentig «Lasst sie sterben?» chönne läse.
Am Sunntig, 20. Oktober 2024 um 10i isch er im Gottesdienst in de Reformierte Chile a de Etzelstross als Gaschtprediger z höre. Im Gottesdienscht, wo de Pfarrer Lutz Fischer gstaltet, dörf er uf d Kanzle, wo in de letschte Johr au scho d Kafi Freitag, d Susanne Hochuli, d Regula Stämpfli und de Beat Schlatter gstande sind. Im Aaschluss an de Gottesdienscht, zu dem alli iiglade sind, gits im Chilegmeindhuus no en Apéro.