Am nächschte Sunntig, 20. Oktober 2024 wird de Regierigsrat und de Grossi Rat für d Legislatur 2025/2028 noi gwählt. Vo de acht amtierende Wettiger Grossröt treted siebe zur Wiederwahl aa.
Numme de Roland Kuster verzichtet uf e Kandidatur, alli andere amtierende Wettiger Grossröt wend ihres Amt in de noie Legislatur bhalte. Vo de SVP sind das de Daniel Notter und de Jürg Baumann, vo de SP d Lea Schmidmeister und de Alain Burger, vo de FDP de Martin Egloff, vo de GLP d Manuela Ernst und vo de EVP de Lutz Fischer. Das sind aber no lang ned alli Wettiger, wo sich um eis vo de 29 Grossratsmandat bewerbe, wo für de Bezirk Bade zur Verfüegig stönd.
Uf de SVP-Liste stönd no vier witeri Wettiger, namentlich de Martin Fricker, de Juan Kistner, de Peter Lütolf und de Fritz Zanzerl, bi de SP sind es mit em Christian Oberholzer, em Adrian Knaup, de Annick Grand, de Pia Müller und de Daniela Morassuti Zuim sogar föif. Uf sibe witeri Kandidate bringd es d FDP mit em Stephan Willax, em Robert Rudolph, em Eros Bilgerig, de Judith Gähler, em Michael Haldemann, em Yannick Reichen und em Dominic Schori.
Bi de Mitti gsehts für en Wettiger Sitz ehnder schlecht us. Uf Platz 12 vo de Lischte isch d Ursi Depentor, no witer hinte platziert sind de Christian Wassmer, de Markus Zoller und d Lara Rüfenacht. Do wird me us Sicht vo oisere Redaktion chönne gseh, welle Iifluss en engagierte Wahlgang ufs Ergäbnis het.
Uf de Liste vo de Grüene finded sich nün Kandidierendi, d Mechthild Mus, d Ema Savic, de Andreas Leuppi, d Wilma Hunziker, de Jürg Meier, d Alexandra Neumann, d Monica Gassner-Rusconi und de Dacfey Dzung. D GLP chunnd nebe de amtierende Grossrötin Manuela Ernst uf sibe witeri Kandidate, de André Schär, d Andrea Kleger, d Antonia Zumstein, de Emanuel Mörgeli, de Marco Keller und d Yvonne Hiller. Bi de EVP sind hinter em Grossrot Lutz Fischer no 10 witeri Wettiger z finde, de Martin Geyer, d Helen Suter, de Marco Muntwyler, d Margrit Wahrstätter, de Lukas Rechsteiner, d Hanna Läng, de Andreas Erny, d Sue Zogg, de Bernd Gellert und de Andreas Rufener.
Am 20. Oktober gege di Halbivieri am Namittag wird sich dann zeige, wer vo denen viele Kandidatinne und Kandidate gwählt worde isch.