Uf em Dach vom St. Bernhard im Langäcker stoht sit noistem e grossi Photovoltaikaalag. Es isch di gröschti privat betribeni Aalag z Wettige.
D Stiftig «Rebbergstrasse 24», wo d Eigetümerin vom St. Bernhard isch, het sich entschlosse, uf em Dach vom Alterszentrum e Photovoltaikaalag z installiere. S Ziel isch, d Umwält z entlaschte und langfristig finanzielli Vorteil z ha. D Energiekoste chönnd so gsenkt werde, was s Alterszentrum gege stigendi Energiepriise absichered, und glichzitig isch es en Investition in ernoierbari Energie und dodemit in de Klimaschutz.
D Aalag sell öppe 230’000 Kilowattstunde Strom pro Johr lifere, was öppe 20% vom Energiebedarf vom Alterszentrum deckd. Dodemnit werded pro Johr öppe 109 Tonne CO2 iigspart. und de Strom cha fast zu 100% selber bruuchd werde. Wil s Dach begrüent isch, isch d Aalag e chli höcher montiert worde, damit d Begrüenig immer no «funktioniert». Au di speziell Beschattigssituation durch di verschidnige Höchene vo de Gebäude isch in d Planig mit iibezoge worde.