Es esch weder so wit. Au das Johr werded a diverse Ort Christbäum verchauft.
Traditionell esch KAB uf em Rathuusplatz be de grosse Tanne aaztreffe. Det send Nordmanntanne, Blautanne und au die klassischi Rottanne im Aagebot. D Bäum chömmed all us de nöchere Region, send also ned med Lastwäge, eng a eng zämebunde vo wittwegg uf Wettige brocht worde.
De Erlös vo dene verchaufte Bäum gohd zu je eme Drittel ad Arwo, ad Mission Brücke – le Pont und anderi. Göffnet isch de Christbaumverchauf vo KAB vom 12. Dezember bis am 22. Dezember, Mändig bis Fritig 9.00-12.00Uhr + 13.30-18.30Uhr, am Samschtig 9.00-17.00Uhr.
Bereits zum 2. Mol findet det am Samschtig, 16. Dezember e Suppe/Kaffi-Aktion statt!
En wittere beliebte Christbaum-Verchauf esch de von de Famile Benz uf em Ziegelhof a de Landstross 227. De findet das Johr de Bar und Grill-Event am Samschtig 9. Dezember zwüsche 10 Uhr und 18 Uhr statt. Christbäum send natürlich ab sofort scho erhältlich uf em Ziegelhof!
Nebe dene zwoine Ort get’s natürlich au Möglichkeite uf em Lüscherhof a de unter Geisswiesstross direkt ab Hoflade go Christbäum go chaufe. A de Schartestross, nebem Pfarreiheim, au direkt vom Hof und us de Region, be de Migros a de Landstross, bem Coop im Tägipark, uf em Zentrumsplatz, und und und ..
Uf jede Fall veel Vergnüge bem Ussueche vom schönste Christbaum…..