Ich erinnere mech würklich sehr ungern a de Obig vom 7. September 2023 – was für beschämendi Wortmeldige us em Ratsbetrieb händ mer müsse eus uf de Tribüne ahöre. Als ehemaliger Inwohnerratspräsident be ich mer anderes gewöhnt.
Jetzt händ d Wettinger Stimmbürgerinnen und Stimmbürger d Möglichkeit, i de Volksabstimmung die Spezialzone Berg gue z heisse.
Mini Tochter het i ihre frühe Chenderjohre uf dem Therapiehof schöni Ziite während de Randstundenbetreuig verbrochte. Ich kenne de Betrieb also us eigener Erfahrig als Vater. Und wenn ich mer jetzt d Argument vo de Gegnerschaft vom Iiwohnerrat vor Augen führe, denn stelle ich fescht, dass ich das öffentliche Interesse für Menschen mit Beeinträchtigunge höher gewichte als de vo de Gegner immer weder vorbrachte Landschaftsschutz. Mit dem geplante Therapiehof werd weder s Eigi verschandelt no de Spielruum eusne Chend ingeschränkt.
Im Kanton Aargau Vorwürfe z machen, er häb ned korrekt gearbeitet und das Projekt einfach duregewunke, esch schlicht falsch und e Anmassig vo de Gegnerschaft.
Politik esch Politik, aber Polemik hed i dem Geschäft nüt z suechen. Säged Sie mit mer JA zur Spezialzone Berg und schaffed mer d Grundlage, dass beeinträchtigti Mensche die Möglichkeit vo de tiergestützten Therapieform witerhin in Anspruch nehme könnend.
Danke!
Christian Pauli, ehem. Iiwohnerratspräsident FDP