«Ich säge nei zur Verkehrsbeschränkig Tempo 30-Zone ade Schartestross», schriibd d Sybille Glauser.
«Au als Awohneri chani das nid nohvollzieh. D’Schartestross isch sehr lang und kei Quartierstross.Tagsüber und am Wuchenend hets mässig Verkehr. Vom Mäntig bis Fritig am Morge früh echli meh
und ab und zue stauts am Obig, und denn gohts’s sowieso nid schneller. Ich frög mich, was denn mit
all dem Verkehr in Richtig Ennetbade passiert? Alles über d’Landstrasse und/oder Zentralstross, wo
jetzt scho einiges meh Verkehr het wie uf de Schartestross, oder sogar dur andere Quartierstrosse, wo’s
denn eher gföhrlich wird? Und de Bus; de blibt denn im Stau stecke und chunnt nümm pünktlich
witer – ÖV-Benützer wird’s freue.
Dass d’Märzegasse Tempo 30-Zone wird, macht kein Unterschied. Scho hüt chamer det nümm
schneller fahre, sit die neu Überbauig bis i d’Stross ine chunnt.» S.G.