Us em Schniider

Wettige chond per Zuefall us de Misere. Statt meh Schulde z mache, chönnd si jetzt sogar abbaud werde.
Es chönnt us em Drehbuech vome fantastische Film entstamme, wo für Hollywood gschrebe worde esch. Be aktuelle Baustell hinder de Bezirksschuel, isch me uf de Bez-Wiese, uf en grosse Gold- und Juweleschatz gstosse. Nach de Schätzige, wo ahgstellt worde send, söll’s sech debii um mehreri Millione Franke handle. Wil de Grund und Bode de Gmeind Wettige ghört, esch au de Schatz dementsprechnd de Gmeind Wettige. Woher de Schatz chond , weiss mer ned so genau. Da sichs be de Wettiger Sportplätz aber hüffig um ehemalige Halde handled, esch das au de naheligendschti möglich Grund, dass vor langer, langer Ziit det mol de Schatz innere Matratze entsorgt worde esch. Für die Möglichkeit spricht die Metallfedereahsammlig und reste vo Schaffwolle wo i de Nöchi gfunde worde esch. Frei nach Ogi cha jetzt de Roli Kuster au säge: Freude herrscht!