Am Namittag, churz bevor de Bruefsvercher losgange isch, hets uf de Rampe zum Baregg en Unfall geh. En Unfall zwüsche Buchs und Otelfinge hets Chaos no grösser gmachd.
Wil in de Region de Bruefsvercher am Abe scho unter normale Umständ en Useforderig isch, mags ned vil Störige verliede, ohni dass me überall lang im Stau stoht.
Am Donnschtig, 19. August 2021 isch en Unfall uf de A1 Fahrtrichtig Bärn di erscht Ursach für di lange Wartezite uf em Heiwäg gsi. De Rückstau uf de Autobahn und s Uswiche uf d Usfahrte Wettige-Oscht und Noiehof hend zu lange Staus au z Wettige gführt.
Dezue isch uf de Strass zwüsche Buchs ZH und Otelfinge en Unfall mit vier beteiligte Auto passiert. D Kapo Züri het d Strass öppe vier Stunde müesse sperre. De Vercher isch uf allne Zuefahrtsstrasse und Uswichroutene nüm recht vorwärts cho. Z Wettige hets uf de Landstrass, de Zentralstrass, de Alberich Zwyssigstrass und witere Strasse hets vil Geduld bruuchd.