De Fahrplanwächsel füehrt au z Wettige zu Noierige. Bsunders bi de Signaletik und de Name vo Haltestelle.
Em eine oder andere isch es vilicht scho ufgfalle. Bi Haltestelle wi Rothuus oder Busgarage, wo es meh wi zwöi Perron het, sind d Haltestelleschilder noi mit Buechstabe bezeichnend worde. So wird es für Ortsfremdi einfacher, sich z orientiere.
Gändered würde sind aber au d Näme vo einige Haltestelle. So heisst di bisherig Haltestelle bi de Kanti Bade, wo d Linie 3 und 4 halted, nöi «Baden Utostrasse» und d Haltestell vo de Linie 3 und 12 bim Bahnhof «Wettingen, Bahnhofplatz». Au d Haltestell «Halbartenstrasse», jedefalls di für d Linie 7 und 12, isch nöi d «Zirkuswiese». Di für d Linie 1 und de Nachtbus hend ihre Name bhalte.
