Wi d Gmeinde inere Mediemitteilig bekannt git, het si mit de Spitex Wettige-Noiehof e Leischtigsveribarig troffe. D Spitex isch au vom 2021 bis ins 2024 d Uftragnehmeri im Bereich vo Dienschtleischtige vo Hilfe und Pfläg dihei uf em Gebiet vo de Gmeind Wettige.
Am Fritig, 10. Juli 2020 het d Gmeind mit de Spitex e noii Leischtigsveribarig abgschlosse. Dodemit wird nahtlos an di bisherig sehr gueti Zammenarbet aachnüpft, wi d Gmeind schriibd.
De Vertrag regled unter anderm d Zammenarbet, di finanzielle Abgeltige, aber au s Controlling zwüsche de Spitex und de Gmeind für di kommende Johr.
Im 2019 het d Spitex Wettige-Noiehof mit ihre öppe 60 Mitarbeitende für Wettige 23’118 Pflegestund und zömme mit Pro Senectute 12’320 Stund Hushaltshilfe gleischted.