S Alterszentrum St. Bernhard baud im Langäcker d ALTSTADT. Was am bisherige Standort chönnd passiire, hend mir bim Bade RegioTalk chönne usefinde.
Wi mir scho im Blick ufs Baschnagel-Areal gschribe hend, het es bim Bade Regiotalk Informatione vo de Bauverwaltig zu verschidnige Bauprojäkt geh. Bi eim davo isch es um d Nutzig vo de Parzelle am Lägerehang gange, wo hüt s Alterszentrum St. Bernhard stoht. Durch de Bau vo de ALTSTADT im Langäcker wird d Parzelle a de Rebbergstross frei für en anderi Nutzig frei. D allfälligi Umzonig isch durch de Iiwohnerrot scho bschlosse worde.
Nach de Informationstafle isch e Terasseüberbauig aadenkd, wo 26 Wohneiheite bi ere Gschossflächi vo öppe 6160 Quadratmeter und 27 Iistellplätz vorgsehd. Bi de Recherche sind mir druf gstosse, dass d André Roth AG das Areal im Uftrag vo de St. Bernhard AG s Bauland, für das e Gstaltigsplanpflicht bestoht, zur Ziit zum Verchauf aabüted.
