A de Dorfstoss 67 isch de Murihof, vo dem de Wohnteil, de Dachstock vo de Schüür und de Keller geschützt sind. Am 3. Oktober isch schints ohni Bewilligung en Teil abbroche worde.
D Grücht, wo mir aafangs Woche vernoh hend, sind in de hütige Usgab vo de Limmatwelle bestätige worde: Für de Abbruch vom Schüürteil vom Murihof het d Bauherrschaft kei Genehmigung gha. D Zitig zittiirt de Leiter Bau und Planig vo de Gmeind, de Urs Heimgartner mit de Ussag, dass es no kei Baufreigab geh het, wil d Bauherrschaft erscht es Konzept het müesse vorlege, wi di gschütze Teil bi eme Teilabbruch erhalte würded. Das Konzept sig aber no ned iigreicht worde. D Gmeind het us dem Grund en Baustopp verfüegt, was in de 20 Johr, wo de Urs Heimgartner in de Abteilig Bau & Planig schaffed, erscht drümol vorcho sig.
