Bi strahlendem Sommerwetter het im Wettiger Rebbärg de 19. Räbhüslisunntig stattgfunde. S heisse Sommerwetter het vili Lüt a de Lägerehang glocked.
Am Sunntig vor de Sommerferie finded traditionell de Räbhüslisonntig statt. Verschidnigi Winzer betriibed in ihre Hüsli e chlini Beiz und d Bsuecherinne und Bsuecher chönnd de Wettiger Wy, kulinarischi Spezialitäte, d Ussicht und netti Gsellschaft gnüsse. Au i dem Johr hend vili de Wäg in d Räbe gfunde, au wenn es weniger Lüt geh het, wi au scho. Vermuetlich ischs d Hitz de Grund gsi. D Stimmig isch aber super gsi und Schatteplätz begehrt.
Hiir e paar Iidrück:
