Wettige stimmt mit em Trend

Sit em Mittag liged d Wettiger Ergäbnis vom Abstimmigssunntig vor. D Stimmberechtigde säged Ja zur Finanzordnig, Nei zu NoBillag und Ja zum Stipendiegsetz.

D Ändergäbnis vo de Abstimmig über di eidgnössische liged no ned vor. Aber di kantonal Vorlag isch uszählt. Mit 61.1 % Ja hets Aargauer Stimmvolk d Kürzige bim Stipendiegsetz aagnoh. Z Wettige sind es 3’936 Ja- gege 2’464 Nei-Stimme gsi.

Bi de eidgnössisch Vorlage hend d Wettiger d Finanzordnig mit 5’652 gege 1’034 Stimme dütlich aagnoh, was au de nationali Trend isch. Ebeso im Trend ligd s wuchtige Nei für d NoBillag – Initiative. 1’996 Ja- und 4’960 hets dete gheisse. Schwiizwiit sind d Stimme no ned ganz uszählt, aber s Ergäbnis Ja zur Finanzordnig und Nei zu NoBillag stoht scho fescht.