D Fraue vo Rotwiis sind z Schottland bim EuroHockey Indoor Club Cup Women

Sit em Fritig laufd z Dundee in Schottland das Turniir für d Fraue, wo s Wochenend vorher z Wettige für d Manner isch gsi. D Fraue sind in de Vorrundi chnapp dra dra gschitered, d Finalrundi z erreiche.

Für di 1. Damemannschaft vo Rotwiis isch es am Aafang guet gloffe. Im erschte Match im Pool B gege de ukrainisch Vertreter Sumchanka hend d Wettigerinne 4-3 gunne. Leider hets danach zwei Niderlage geh, es 1-2 gege Grodno us Wiisrussland und es 1-3 gege d Niderländerinne us Amsterdam. Punktgliich mit de zweitplaziirte Ukrainerinne hend d Wettigerinne wege de schlechtere Tordifferenz in D Abstiigsrundi (Pool C) müesse. Dete hend si gueti Charte nöd abzstiige, hend d Dame vo Rotwiis doch s Team vom SV Arminen us Wien mit 6-0 chönne bsiege.

Morn, Sunntig, 25. Februar 2018 gilts im Match gege d Gastgeberinne vo Dundee alles klar z mache. Um Zäni (Ortsziit) gohts los, also wenns bi ois Ölfi isch. Per Livestream cha me au vo Wettige us de Match verfolge: https://www.eurohockeytv.org

(Foti: Alfred Wälti)