Rotwiis het de Uftaktmatch verlore

Hüt, Fritig,  16. Februar 2018 het de EuroHockey Indoor Club Cup, Men gstarted und au d Gaschtgeber vom HC Rotwiis Wettige hend ihre erschte Match gha. Nach ere beiidruckende Ufholjagd isch de Match gliichwohl verlore gange.
Um Halbieis am Mittag isch de Uftaktmatch vo Rotwiis gege Surbiton HC us Ängland uf em Programm gstande. Scho nach 2. Minute het es durch zwei Goal vom Alan Forsyth (1.+2. Minute) 2 – 0 gstande. Rotwiis het sich aber nöd us de Rueh la bringe. Durch e konzentriirti Leischtig het Rotwiis chönne zum 2 – 2 usgliiche. De Manuel Keller (12. Minute) und de Fabian Wullschleger (16. Minute) hend jewils e Strofecke chönne verwandle. Bis zu de Pause isch es bi dem Spiilstand blibe.
D Hoffnig, mit eme Siig oder wenigschtens eme Unentschide ins Turniir z starte het sich dann in de zweite Spiilhälfti leider zerschlage. In de 31. Minute het de Alan Forsyth mit sim 3. Goal d Änglender wider in Führig brochd und in de 36. Minute het de Rob Farrington mit em 4 – 2 alles klar gmachd

Um Sächsi am Abig het Rotwiis de nächschte Match und zwar gege Dinamo Elektrostal us Russland. Es lohnt sich ins Tägi z cho und Rotwiis z unterstütze. Natürlich lohnt es sich au für di ander Match. De Spilplan und d Resultat finden ihr hiir: http://eurohockey.org/event/eurohockey-indoor-club-cup-trophy-challenge-men/?instance_id=138